Сарыағаш әкімдігі "Жібек жолы" бекетінде бөгелген екі мың өзбек еліне өткенін хабарлады

10.07.2020, 03:00

6

9 шілдеге қараған түні Түркістан облысы Сарыағаш ауданындағы «Жібек жолы» шекара бекетінде бірнеше күннен бері коронавирусқа байланысты бөгелген екі мың өзбек мигранты еліне өтті. Бұл туралы Азаттыққа аудан әкімі Мұхит Отаршиев хабарлады.

Әкімнің сөзінше, 8 шілде күні кешке шекара бекетіндегі автовокзалға жиналған өзбек мигранттарының саны 3,4 мыңға жеткен. Түнде олардың 2 мыңы Өзбекстанға өткен. Одан бөлек бес жүз адамға шекара бекетінен өткізуге рұқсат берілген.

– Бес жүз адамды бекеттен өткізу басталды. Өзбекстанның Қазақстандағы елшілігі бүгін (9 шілде — ред.) кешке дейін барлық азаматын еліне өткізуге уәде етті. Қазір шекара бекетіндегі автовокзалда тоғыз жүзден аса адам қалды. Өзбек мигранттары шекара аймағына әлі келіп жатыр, – деді Отаршиев.

Шекара бекетінде бөгеліп қалған шетелдіктер қатарында тәжік азаматтары да бар. Тәжікстанның Қазақстандағы елшілігі Азаттыққа «Жібек жолы» бекетінде елуге жуық тәжік азаматының қалғанын айтты. Елшіліктің мәліметінше, 3 шілде күні жеті жүзге жуық тәжік мигранты шекара бекетінен өтіп, Өзбекстан арқылы Тәжікстанға кеткен.

Шілде айының басында қазақ-өзбек шекарасы маңында екі мың тәжік пен өзбек мигранты еліне өте алмай бөгелген еді. Өзбекстан коронавирусқа байланысты шекараны жапқан. Әдетте Тәжікстан азаматтары еліне автобуспен Өзбекстан арқылы қайтатын.

Тегтер:

ҰҚСАС ЖАҢАЛЫҚТАР

Аңдатпа


  • 100 жастағы әжей пневмониядан жазылып шықты
    20.09.2020, 14:39
  • Көлік кептелісінен құтылар күн бар ма?
    18.09.2020, 14:27
  • Емханаға тіркелу науқаны басталды
    18.09.2020, 14:13
  • Мегаполистің білім саласы автоматтандырылды
    20.09.2020, 13:46
  • Интернетте балаларға қауіпті тағы бір ойын пайда болды
    20.09.2020, 13:34