Жазылу
Мәжіліс депутаты Назарбаевқа қатысты рейдерлік істі қайта қарауды сұрады
Мәжіліс депутаты Ермұрат Бапи Бас прокурорға ресми сауал жолдап, Нұрбол Назарбаевтың аталған рейдерлік істерін қайта қарауды талап етті.
Депутаттың айтуынша, оған кәсіпкерлер мен қарапайым азаматтардан әділет іздеген ондаған өтініш түскен. Солардың бірі – қарағандылық кәсіпкер Қуат Ерментаев. Ол Нұрбол Назарбаевтың ықпалымен компаниядағы үлесінен айырылып, бизнесін рейдерлік жолмен тартып алғанын мәлімдеген.
2022 жылы Алматы прокуратурасы мен Экономикалық тергеп-тексеру департаменті іс бойынша қылмыстық іс қозғаған, бірақ 2024 жылы «қылмыс құрамының жоқтығына байланысты» істі тоқтатқан. Мәжілісмен бұл шешімді «Назарбаевтар әулетінің мүддесіне жасалған қадам» деп бағалайды.
– Егер құқық қорғау органдары зардап шеккен азаматтардың көз жасына толы өтініштерін жылы жауып қоя берсе, бұл Президент Қасым-Жомарт Тоқаевтың «Әділетті Қазақстан» бастамасына қарсы қастықпен пара-пар, - деді депутат.
Депутаттың пікірінше, құқық қорғау органдары зардап шеккен азаматтардың өтініштерін назарға алмаса, бұл Тоқаевтың «Әділетті Қазақстан» бастамасына қарсы қастыққа тең.
