"Жүгір немесе өлесің" ойыны: ІІМ ата-аналарға ескерту жасады

«Run or Die» -  балалар мен жасөспірімдер арасында кең таралған тағы бір жаңа танымал ойын. Оның мақсаты - көліктің алдынан тікелей жолды кесіп өту. Ойында жеңімпаз - жолды жүгіріп өтіп, аман қалған ойыншы болады.

Әлеуметтік желілерде "Жүгір немесе өлесің" сияқты жасөспірімдердің қауіпті ойындары туралы бейнежазбалар таратылып жатыр.

"Бүгінгі күні біздің елімізде мұндай деректер тіркелген жоқ", - делінген хабарламада.

Жалпы биылғы 9 айда елімізде кәмелетке толмағандардың қатысуымен 2,5 мыңнан аса жол-көлік оқиғасы болып, онда 200-ден аса бала қаза тауып, 3 мыңға жуық бала жарақат алған.