Франция Украинаға қару жеткізуді тоқтатуға мәжбүр

Оның айтуынша, Франция Киевке оқ-дәрі мен әртүрлі әскери техника, соның ішінде артиллериялық жүйелерді жеткілікті мөлшерде жіберіп үлгерген.

– Біз Украинаға барымызды бердік. Соғыс жағдайында өндіріс қарқынын арттыруға тырыстық, бірақ қолда жоқты беру мүмкін емес. Өз қауіпсіздігімізді қауіпке тіге алмаймыз. Қазір өндірілгеннің бәрі Украинаға жөнелтілуде. Тіпті басқа елдерге экспортталған кейбір артиллериялық жүйелерді қайтарып алып, Киевке жолдадық. Біз қолдан келген көмектің бәрін жасадық, – деді Макрон.

Франция бұған дейін Украинаға бірнеше мәрте әскери көмек көрсеткен еді. Биыл наурыз айында Макрон Франция тарапынан көрсетілетін жаңа көмек көлемі 2 миллиард еуроны құрайтынын мәлімдеген. Бұл сомаға танктер, зеңбіректер, оқ-дәрі мен түрлі қорғаныс құралдары кірген.

Сарапшылардың пікірінше, Францияның бұл шешімі Еуропа елдерінің әскери өнеркәсібінің шектеулі мүмкіндігін көрсетіп отыр. Украинаға үздіксіз көмек көрсету үшін ЕО-ның қорғаныс саласындағы ынтымақтастығы мен өндіріс қуатын арттыруы қажет.

Еске салайық, Франция — Украинаға әскери көмек көрсетуде белсенді елдердің бірі. Алайда өз қорғаныс қабілетін төмендетпеу үшін Париж енді әскери техниканы шектеулі түрде жеткізуге көшуі мүмкін. Бұл – Украинадағы соғысқа жанама қатысып отырған Еуропа елдері алдында тұрған жаңа сын.