Жазылу
Бүгін, 13:58
Трамп Ресейге қарсы санкциялардың мерзімін тағы бір жылға ұзартты
АҚШ президенті Дональд Трамп 2014 жылы Қырымның аннексиясынан кейін Ресейге қарсы енгізілген санкциялардың қолданылу мерзімін тағы бір жылға ұзарту туралы шешім қабылдады.
Қол қойылған құжатқа сәйкес, Ақ үй №13660 жарлықпен енгізілген төтенше жағдай режимінің мерзімін ұзартты. Аталған жарлыққа алғаш рет 2014 жылғы 6 наурызда АҚШ-тың сол кездегі президенті Барак Обама қол қойған.
Бұл төтенше жағдай режимі санкциялардың құқықтық негізі саналады және бұған дейін де бірнеше мәрте ұзартылған.
Ол Украинаның демократиялық институттарына нұқсан келтіруге, сондай-ақ елдің бейбітшілігіне, қауіпсіздігіне, егемендігі мен аумақтық тұтастығына қатер төндірді деп есептелетін жеке және заңды тұлғалардың активтерін бұғаттауға мүмкіндік береді.
