Қазақстанда мерзімінен бұрын Парламент сайлауын өткізуге еш негіз жоқ - Әшімбаев

Парламенттің жоғарғы палатасы бүгін өз жұмысын қорытындылады.

«Мен бұл тақырып жиі көтеріліп жатыр деп айта алмаймын. Бәлкім, бәзбіреулер бұл ақпаратты таратып жатқан шығар. Біз өте көп заңдарды қарастырып жатырмыз. Сондықтан да мерзімінен бұрын сайлау өтеді деуге еш негіз жоқ. Парламент, оның ішінде Сенат біздің заңнамалық күн тәртібімізге сай жұмыс істеп жатыр», - деді Сенат спикері.

Сондай-ақ, Мәулен Әшімбаев Нұрсұлтан Назарбаевтың Мәскеуге сапарына және Ресей Президенті Владимир Путинмен кездесуіне қатысты пікір білдірді.

“Бұл сапардың ресми мәртебесі болған жоқ. Бұл – жеке сипаттағы кездесу. Экс-президенттің басқа елдердің басшыларымен жолығуына құқығы бар. Мұндай кездесулер жеке бастамалар аясында жүзеге асады”, - деді Әшімбаев.