Кәрім Мәсімовтің үйі сатылымнан алынды

Енді үйдің қандай мақсатта пайланылатынын қала басшылығы шешеді.

"Әлеуметтік маңыздылығын және заңнама талаптарын ескере отырып, бұл нысан электрондық сауда жоспарынан алынды. Нысанды әрі қарай пайдалану мәселесі жергілікті атқарушы органның мүдделерін ескере отырып, белгіленген тәртіппен шешіледі", - делінген компания хабарламасында.

Айта кетері, Астана қаласы Нұра ауданы Қараөткел шағын ауданы Ерейментау көшесі 1-үй мекенжайында орналасқан жертөлесі бар тұрғын үй үш рет сатылымға шығарылған болатын.

Нысанның бастапқы бағасы 1,8 млрд теңге болған еді.

Зәулім үйді үш рет аукционға шығарғанымен, сатып алушылар табылмады.