Трамп Украинаны қорқытты

Бұл туралы ол Ақ үйдегі отырыста журналистерге жауап беру кезінде айтты.

Президенттің пікірінше, қақтығысты тоқтатудың жалғыз жолы – Ресей мен Украина көшбасшыларының тікелей кездесуі.

– Мен бұл соғыстың жалғасқанын қаламаймын. Өйткені ол әлемдік экономикалық дағдарысқа әкелуі мүмкін. Бұл Ресей үшін де ауыр соққы болады. Зеленский де мінсіз емес, олар бетпе-бет сөйлесуі тиіс, - деді ол.

Сонымен қатар Трамп соғыстың жалғасуы тек бюрократтарға тиімді екенін атап өтті. Оның айтуынша, АҚШ пен Украина азаматтары үшін еш пайдасы жоқ бұл жағдайды тоқтату үшін Вашингтон екі жаққа да қысым жасауды көздейді.

- Мен [адамдарды] Ресейге, Украинаға немесе басқа біреуге өте қымбатқа түсетін санкциялар немесе кедендік алымдардың қуатты жүйесін енгізу арқылы құтқара аламын», - деді Трамп Ақ үйде өткен үкімет отырысы кезінде журналистердің сұрақтарына жауап беріп.

Сонымен қатар Трамп ықтимал санкциялар енгізуге асықпайтынын, өйткені бейбіт келісімнің болғанын қалайтынын атап өтті. «Егер оған жүгінуге тура келсе — мен ойлап отырған шаралар өте ауқымды болады. Бірақ мен мұның аяқталғанын қалаймын», - деп қосты ол.