Қазақстан коронавирус тез таралып жатқан елдер қатарына енді

Дүниежүзілік денсаулық сақтау ұйымының Еуропалық аймақтың бюросы директоры Ханс Клюге Еуропада COVID-19 індетінің жаңа толқыны басталғанын мәлім етті. Сонымен қатар, індет өршіп тұрған елдердің тізімін жариялады, деп хабарлайды rg.ru сайты.

Соңғы екі аптада жаңа науқастар санының күрт өсуі 30 мемлекетте тіркелді. Олардың ішіндегі 11 елде вирустың жылдам таралуы үлкен қауіп туғызып отыр, деді ол баспасөз жиынында.

Кейінірек ДДСҰ вирус жылдам тарап жатқан елдердің қатарына Армения, Швеция, Молдавия, Солтүстік Македония, Әзербайжан, Қазақстан, Албания, Босния және Герцеговина, Қырғызстан, Украина мен Косово кіріп отырғанын хабарлады.