Жазылу
30-дан астам мемлекет Украинаға бітімгершілік күштерін жіберуге дайын
«Көптеген елдер әскер береді, ал одан да көп мемлекеттер басқа жолдармен үлес қосады», - деп атап өтті Ұлыбритания премьер-министрінің өкілі.
Батыстың 26 елінің басшылары, Еуропалық Одақтың екі жоғары лауазымды өкілі және НАТО-ның бас хатшысы Марк Рютте 15 наурызда «қалаулылар коалициясының» әлеуетті қатысушыларының виртуалды кездесуін өткізді. Ұлыбритания мен Франция бітімгершілік күштерге қосылуға келісіп қойған. Украина президенті Владимир Зеленский бұған дейін Ресеймен 30 күндік атысты тоқтату келісімін жасауға келіскенін айтқан.
Ресей Украинаға НАТО сарбаздарын орналастыруға келіспейтінін бірнеше рет мәлімдеген. Мәскеу НАТО мен Еуроодақ елдерінен бітімгершілік контингентінің атысты тоқтатқан жағдайда Украинаға жөнелтілуі мүмкіндігін талқылауды «орынсыз және абсурд» деп санайды», - деді РФ Сыртқы істер министрінің орынбасары Александр Грушко «Известия» газетіне берген сұхбатында.
