4 наурызда Жиддадан 343 Қазақстан азаматы эвакуацияланады

Оның айтуынша, жолаушылар тізімін қалыптастыру әлі жалғасуда. Басымдық кәмелетке толмаған балалары бар әйелдерге, 60 жастан асқан азаматтарға және белгілі бір аурулары бар адамдарға беріліп отыр.

— Жиддадан ертең 343 ҚР азаматы — бұл алғашқы толқын, алғашқы топ ретінде ұшады, — деді Бакаев.

Министрдің орынбасары нақты қанша баланың болатыны борт толық жасақталғаннан кейін белгілі болатынын айтты. Сондай-ақ, оның сөзінше, қазақстандықтар Жидда мен Маскат қалаларында шоғырландырылып жатыр.

Бұған дейін Таяу Шығыстағы әскери шиеленіс аясында Қазақстан азаматтарының алғашқы тобы БАӘ-ден елге жеткізілген болатын. Сондай-ақ бүгіннің соңына дейін Дубайдан Оман арқылы тағы 467 қазақстандықты қайтару жоспарланып отыр.