67 жастағы Алматы тұрғыны әуежай қызметкерін кепілге алды

Әуежай әкімшілігінің мәліметінше, оқиға 7 наурыз күні сағат 11:45 шамасында, ішкі рейстерге арналған Т1 терминалында болған. Белгісіз ер адам жолаушы кейпінде тексеру аймағына кіріп, авиациялық қауіпсіздік қызметінің қызметкерлерінен құжаттарын талап еткен кезде 21 жастағы Ботагөз Мұхтарованы кепілге алған.

 Алматы тұрғыны адам айналадағыларға айғайлап, ешкімнің жақындамауын талап еткен. Дегенмен, жағдайды бақылап тұрған 53 жастағы Муса Абдраим есімді азамат жедел әрекет етіп, әуежай қызметкерін босатқан.

Алматы көлік полициясы департаментінің мәліметінше, қылмыскер 67 жастағы Алматы тұрғыны болып шықты. Қазіргі уақытта оның жеке басына қатысты қосымша мәліметтер анықталып жатыр. Ер адамның бұған дейін де әйелдерге қатысты агрессивті әрекеттер жасағаны туралы ақпарат тексеріліп жатыр.

 "7 наурыз күні Алматы әуежайындағы желілік полиция бөлімінің қызметкерлері жолаушыларды тексеру аймағында әйелді кепілге алған ер адамды ұстады. Ол асүй пышағымен әуежай қызметкеріне қауіп төндірген. Полиция қызметкерлері, әуежай қауіпсіздік қызметкерлері және азамат Муса Абдраимның көмегімен қылмыскер ұсталды. Қазіргі уақытта оған қатысты қылмыстық іс қозғалды, тергеу амалдары жүргізіліп жатыр", - делінген хабарламада.

Президент  Тоқаев Муса Абдраимның ерлігін ерекше атап өтіп, оны мемлекеттік наградаға ұсынуды тапсырды. Бұл туралы президенттің баспасөз хатшысы Руслан Желдібай хабарлады.