Абай облысында өмірде жоқ адамдардың есебінен айлық алған есепші сотталмақ

Аудан прокуратурасы тексеріс барысында 2015-2023 жылдар аралығында Бесқарағай ауданының жер қатынастары бөлімінің жүргізушісі ретінде адамды жалған жұмысқа орналастыру фактісін анықтады.

«15.08.2023 жылы аудан прокуратурасы бұл фактіні СДТТБТ-де тіркеп, қылмыстық істі тергеу бойынша Абай облысының экономикалық тергеу департаментіне тапсырды. Тергеу аяқталғаннан кейін ҚК-нің 189-бабы 3-бөлігі бойынша бухгалтерге қатысты қылмыстық іс (қызметтік жағдайын пайдалана отырып, ірі мөлшерде сеніп тапсырылған бөтен мүлікті ұрлау) сотқа жіберілді», - делінген хабарламада.

Істі қарау аудан орталығының мемлекеттік мекемелерінің бухгалтерлерін шақыра отырып, ашық көрсетілімдік сот отырысы өткізілді. Онда сотталушы «К.Н.» өз кінәсін мойындап, мемлекетке 5 млн теңге көлемінде келтірілген залалдың тергеу сатысында өтелгенін түсіндірді.

«12.10.2023 жылы «К.Н.» сотының үкімімен 3 жыл мерзімге материалдық-жауапты лауазымдарды атқару құқығынан айыра отырып, 2 жылға бас бостандығын шектеуге сотталды (сот актісі заңды күшіне енген жоқ)», - делінген Абай облыстық прокуратурасының хабарламасында.