Ақ үй: Бостандық мүсіні АҚШ-та қалады

Бостандық мүсіні АҚШ-та қалады. Бұл туралы Ақ үйдің баспасөз хатшысы Кэролайн Левитт Еуропарламент мүшесі Рафаэль Глюксманның ескерткішті Францияға қайтару туралы талабына жауап бере отырып  айтты.

«Француздардың бүгінде неміс тілін білмейтіні Құрама Штаттардың арқасында ғана», - деп атап өтті АҚШ президентінің өкілі. AFP агенттігінің жазуынша, мұндай түсініктемемен Левитт Екінші дүниежүзілік соғыс кезінде Францияны нацистік басқыншылардан азат етудегі АҚШ-тың рөлін еске түсіргісі келді. Ақ үйдің баспасөз хатшысы Рафаэль Глюксманды «белгісіз, төмен дәрежелі француз саясаткері» деп атады.

АҚШ-тан Бостандық мүсінін қайтаруды талап ету

16 наурызда Еуропарламент депутаты, Place publique солшыл партиясының тең төрағасы, қазіргі әкімшілік пен АҚШ президенті Дональд Трамп өз шешімдерімен бостандық құндылықтары оларға жақын емес екенін көрсетіп жатыр, деп Бостандық мүсінін Францияға қайтару керек екенін айтты.

Украинаны белсенді түрде қолдайтын Глюксман өз сөзінде Вашингтонның Мәскеуге жақындағанын айыптады.  Француз саясаткері сонымен қатар Трамп әкімшілігін ғылыми бостандықтарын талап еткен ғалымдарды жұмыстан қуды деп сынады.

Бостандық мүсіні жақсы өмірге деген үміттің символы ретінде

Бостандық мүсіні Францияда мүсінші Огюст Бартолдидің жетекшілігімен жасалған. Бұл француздар американдықтарды қолдаған американдық революциялық соғыстың жүз жылдығына орай Францияның АҚШ-қа берген сыйы болды.

Биіктігі 46 метрлік мыс мүсін 1886 жылы Нью-Йорктегі Либерти аралында ашылған. Бір кездері жақын маңдағы Эллис аралында Америка Құрама Штаттарына кіруді күткен миллиондаған иммигранттар үшін ол жақсы өмірге деген үмітті білдірді, деп жазады AFP.