АҚШ өкілі соғысты тоқтату үшін қос тарап та кей шешімге көну керегін айтты

Ресейдің Украинадағы соғысын тоқтату үшін қос тарап та жеңілдік жасауы керек, деді АҚШ мемлекеттік хатшысы Марк Рубио Сауд Арабиясында ресейлік делегациямен өткен келіссөздердің қорытындысы бойынша.

«Бүгін ұзақ және қиын жолдағы алғашқы қадам болды, бірақ бұл маңызды», - деп келтіреді басылымдар Рубионың сөзін. «Егер бұл қақтығыс қанағаттанарлық түрде шешілсе, бұл ортақ мүдделі мәселелер бойынша Ресеймен геосаяси серіктестік пен, шынын айтқанда, біз әлемге пайда әкелетін және ұзақ мерзімді перспективада қарым-қатынасымызды жақсартатын мәселелер бойынша экономикалық серіктестік үшін керемет мүмкіндіктер ашады», - деді Рубио.

Еуропа елдерінің рөлі туралы айта отырып, Рубио Еуропалық Одақ «алдағы уақытта» келіссөздер үстелінде болуы керек екенін айтты. «Еуропалық Одақ белгілі бір уақытта келіссөз үстеліне отыруға мәжбүр болады, өйткені оларда да санкциялар бар», - деді мемлекеттік хатшы.

АҚШ-тың ұлттық қауіпсіздік жөніндегі кеңесшісі Майк Уолц саммитке түсініктеме бере отырып, АҚШ одақтастарымен консультациялар жүргізілгенін және ешкімнің шеттетілмегенін баса айтты. Вальц Еуропаның Украинаның қауіпсіздігіне бұдан да маңыздырақ үлес қосу ниетіне риза екенін айтты, деп хабарлайды Reuters.