АҚШ-тың 39-президенті Джимми Картер қайтыс болды

АҚШ-тың бұрынғы президенті, Джорджия штатының бұрынғы губернаторы, 1977-1981 жылдары ел басшысы қызметін атқарған Джимми Картер АҚШ-та қайтыс болды. Бұл туралы жексенбі, 29 желтоқсанда саясаткердің ұлы Джеймс Эрл Картерге сілтеме жасаған The Washington Post  хабарлады.

Вьетнам соғысындағы «босқындарға» рақымшылық жариялауымен және Израиль мен Мысыр арасындағы Кэмп-Дэвид келісімдерін жасау процесіне қатысумен, сондай-ақ КСРО-мен стратегиялық қару-жарақтарды шектеу туралы келісімге қол қоюмен танымал саясаткер үйінде көз жұмды.  Джимми Картер 100 жаста еді. Ол Америка Құрама Штаттарының осы жасқа дейін өмір сүрген жалғыз бұрынғы президенті болды.

Картер президенттен кейінгі адам құқықтары мен гуманитарлық жұмыстарымен де танымал. 2002 жылы ол «әлемдік қақтығыстарды бейбіт жолмен шешуге күш салғаны үшін» Нобель сыйлығымен марапатталған.