Жазылу
Бүгін, 09:00
АҚШ Украина мен Ресей арасындағы үшжақты кездесуді кейінге қалдыруды ұсынды
Осы аптаға жоспарланған Украина, АҚШ және Ресей арасындағы үшжақты кездесу АҚШ әкімшілігінің бастамасымен кейінге қалдырылды.
Бұл туралы Украина президенті Владимир Зеленский мәлімдеді.
Зеленскийдің айтуынша, Ақ үй бұл бейбіт келіссөздерді Иран төңірегіндегі қарулы қақтығысқа байланысты кейінге шегеруді ұсынған.
— Осы аптаға жоспарланған үшжақты кездесуді АҚШ Иран айналасындағы жағдайға байланысты кейінге қалдыруды ұсынды, — деді Владимир Зеленский.
Еске салайық, 2026 жылғы 25 ақпанда Ресей-Украина қақтығысын реттеу бойынша Мәскеу, Киев және Вашингтон қатысуы тиіс үшжақты кездесудің наурыз айының басына шегерілгені хабарланған еді.
Бұған дейінгі үшжақты келіссөздер Украина мәселесіне байланысты Женева қаласында өткен.
