Жазылу
АҚШ Украинаға Tomahawk ракеталары орнына 10 жылдық баж салығынан босатуды ұсынды
Украина президенті Владимир Зеленскийдің Вашингтонға сапары қарсаңында күтпеген жағдай орын алды.
Ол АҚШ-тан Tomahawk қанатты ракеталарын сұраған кезде, Дональд Трамп бұл өтінішті Владимир Путинмен сөйлескеннен кейін кері орындамай қойған.
Осыдан соң АҚШ президентінің арнайы өкілі Стивен Уиткофф Киевке мүлде басқа ұсыныс жасаған.
«Егер 10 жылға баж салығынан босату мүмкін болса, ракетаның қажеті қанша? Бұл экономикаға күшті серпін береді», – деп сендірген Уиткофф украин шенеуніктерін. Бұл туралы The Wall Street Journal хабарлады.
WSJ-ге пікір білдірген Уиткофф әңгіменің нақты мазмұнын растаудан да, терістеуден де бас тартқан. Ол тек өзінің міндеті – мәмілелер жасасу және жаңа мүмкіндіктер ұсыну екенін айтумен шектелген.
«Біз жаңа мүмкіндіктерді іздеуді және идеяларды ұсынуды жалғастырамыз», – деді ол.
Украина бұл ракеталарды Ресей аумағындағы әскери және инфрақұрылымдық нысандарға соққы беру үшін бірнеше мәрте сұраған.
АҚШ президенті Дональд Трамп Путинмен келіссөзден кейін қазіргі кезеңде Украинаға Tomahawk жеткізу жоспары жоқ екенін айтты. Сарапшылар мұндай ракеталардың берілуі соғыс майданында айтарлықтай эскалацияға алып келуі мүмкін екенін ескертеді.
