Ақтауда 15 жастағы қыз көпқабатты үйден құлап, қаза тапты

Оқиға орнына полиция қызметкерлері жедел жетіп, аумақты қоршауға алды. Куәгерлердің айтуынша, жерде тергеу топтары мен арнайы қызмет өкілдері жұмыс істеген.

Маңғыстау облыстық полиция департаменті кәмелетке толмаған қыздың қаза болғанын растады. Аталған дерек бойынша қылмыстық іс қозғалды.

Қазіргі уақытта оқиғаның мән-жайы мен себептері анықталып жатыр. Алдын ала нұсқа ретінде суицид қарастырылуда. Тергеу мүддесіне байланысты өзге ақпарат әзірге жарияланбайды.