Жазылу
15:48, 14 Желтоқсан 2023
Ақтөбеде мектептердің бірінде жасөспірім көз жұмды
Ақтөбедегі № 27 мектепте 13 жасар жасөспірім көз жұмды, деп хабарлайды Zhasalash.kz.
Мектеп оқушыларының бірінің айтуынша, оқиға үшінші қабатта болған.
«Ол сыныпқа жүгіріп кіріп, табалдырықтан аттады да, тамағын үстелдің бұрышына соқты», - дейді оқушы қыздың анасы.
Ақтөбе облысының денсаулық сақтау басқармасының мәліметінше, бала ауруханаға жеткенше көз жұмған.
«Тексеру кезінде ұйқы артериясында пульсация, қан қысымы анықталмаған. Иек аймағында абразия пайда болған. Дәрігерлер оқушыны бірден жансақтау бөліміне жатқызған. Алайда ол сағат 11:25-те көз жұмған»,- деді облыстық денсаулық сақтау басқармасының басшысы Рүстем Исаев.
