Әли Лариджанидің қазасы Ирандағы басқару жүйесін шайқалтуы мүмкін

 Ислам Республикасы аса маңызды кезеңде ең тәжірибелі әрі ықпалды саясаткерлерінің бірінен айырылды.

Лариджани әскери қолбасшы болмағанымен, елдің ішкі және сыртқы саясатындағы стратегиялық шешімдерді қабылдауда шешуші рөл атқарды.

Ұлттық қауіпсіздік жоғары кеңесінің хатшысы қызметінде ол соғыс жүргізу, дипломатия және ұлттық қауіпсіздікке қатысты негізгі шешімдерді үйлестіріп отырды.

Оның пікірі, әсіресе, Иранның АҚШ пен Израильмен текетіресін реттеу мәселесінде үлкен саяси салмаққа ие болды.

28 ақпанда жоғарғы көшбасшы Али Хаменеи өлтірілгеннен кейін, Лариджанидің мәлімдемелері бұрынғыдан да қатаң әрі батыл сипат ала бастады. Бұл Иранның ұзаққа созылатын қақтығысқа дайын екенін аңғартты.

Лариджанидің қазасы – АҚШ пен Израиль жүргізіп жатқан ауқымды әскери науқанның бір бөлігі. Соңғы бірнеше апта ішінде Иранның бірқатар жоғары лауазымды шенеуніктері мен әскери қолбасшылары дәл осындай шабуылдардан қаза тапты.

Бұл соққылар Иранның саяси жүйесіндегі негізгі тұлғаларды жою арқылы бүкіл басқару құрылымын әлсіретуді көздейтінін көрсетеді.

Батыспен диалог орнату мәселесінде қатаң позиция ұстанғанына қарамастан, Иранда Лариджани прагматик ретінде танылды. Ол ұраншылдыққа емес, есептелген стратегияға басымдық беріп, идеология мен технократиялық тәсілді ұштастыра білді.