Алматы орталығына көлікпен кіруге шектеу енгізіледі

Жаңа талапқа сәйкес, төмен экологиялық санаттағы және ескірген автокөліктер қала орталығына кіре алмайды. Атап айтқанда, Еуро-3 стандартына дейінгі бензин және дизель қозғалтқышты машиналарға шектеу қойылады. Бұл шешім қаладағы ауа сапасын жақсартуға бағытталған.

Тыйым Алматының орталық бөлігіне қатысты болады. Қазіргі таңда нақты шекаралар картасы жасалып жатыр. Алдын ала болжам бойынша, шектеу аумағына Абай даңғылы, Сәтбаев көшесі, Назарбаев даңғылы мен Райымбек даңғылы аралығындағы көшелер кіруі мүмкін.

Мамандардың айтуынша, Алматыда экологиялық ахуалдың нашарлауына көліктердің шамадан тыс көптігі негізгі себеп болып отыр. Әсіресе, ескі көліктердің зиянды заттарды ауаға көп мөлшерде шығаруы тұрғындардың денсаулығына кері әсер етеді.

• Электромобиль иелері;

• Еуро-4 және одан жоғары стандарттағы көліктер;

• Қоғамдық көліктер мен арнайы қызмет машиналары (жедел жәрдем, өрт сөндіру, полиция).

Әкімдік бұл жүйені кезең-кезеңімен енгізуді жоспарлап отыр. Алдымен ақпараттық-түсіндіру жұмыстары жүргізіледі, кейін бақылау камералары арқылы ережені бұзғандарға айыппұл салынбақ.

Жаңа шектеуге қатысты қоғамда түрлі пікір бар. Бірі бұл шешімді экология үшін дұрыс қадам десе, енді бірі ескі көлігі бар тұрғындарға ауыр соққы болатынын айтады.