Алматыда Qyzqaras Film Festival өтіп жатыр

Фестивальдің басты идеясы – әйелдердің кино әлеміндегі дауысы, олардың жеке тағдыры мен қоғамдық тәжірибесін экран арқылы жеткізу, сондай-ақ қалыптасқан әңгімелеу дәстүрін жаңаша ой елегінен өткізу.

Халықаралық бағдарлама

Көрермендерге алғаш рет ұсынылатын фильмдер қатарында:

• «Прости, детка» (реж. Ева Виктор),

• «Альфа» (реж. Жюлия Дюкурно),

• «Волшебная ферма» (реж. Амалия Ульман),

• «Гадкая сестра» (реж. Эмили Блихфельдт),

• «Зелёная граница» (реж. Агнешка Холланд),

• «Воспоминания пылающего тела» (реж. Антонелла Судасасси Фёрнисс),

• «Медленно» (реж. Мария Кавтарадзе),

• «Токсик» (реж. Сауле Блювайте),

• «Девушки на балконе» (реж. Ноэми Мерлан),

• «Всё, что от тебя осталось» (реж. Шерин Дабиз),

• «Четыре дочери» (реж. Каутер Бен Хания).

Қазақстандық бағдарлама

Отандық режиссерлерден мына фильмдер көрсетіледі:

• «Папа умер в субботу» (Зака Абдрахманова),

• «Ұлжан» (3 бөлім, Яна Скопина),

• «Атамекен» (Жанана Құрмашева),

• «Пряники для её отца, моего прадеда, её деда» (Алина Мустафина).

Арнайы бағдарламада кеңестік-қырғыз режиссері Динара Асанованың «Жена ушла» фильмі ұсынылады.

Шеберлік сабақтары мен қосымша жобалар

Фестиваль аясында Яна Скопина, Бота Қойлыбаева, Малика Мұхамеджан және Айгүл Нұрбулатова дәрістер мен воркшоптар өткізеді. Сонымен қатар Invisible Women жобасының арнайы көрсетілімі және Asian Movie Night бағдарламасы бар – онда фильмдер көрсетіліп, авторлармен еркін әңгіме өрбиді.

Барлық көрсетілімдер «Арман» кинотеатрында (Достық даңғылы, 104), ал дәрістер мен талқылаулар серіктес кеңістік Kerege-де (Гагарин даңғылы, 83) өтеді. Қысқаметражды фильмдер мен лекцияларға қатысу тегін, тек алдын ала тіркелу қажет. Толықметражды фильмдерге билеттерді kino.kz сайтынан алуға болады.

Qyzqaras бастамасы 2023 жылы құрылған. Жоба әйел режиссерлерді қолдауды, феминистік кино тілін зерттеуді және Орталық Азиядағы кинематограф кеңістігін кеңейтуді мақсат етеді. Бірнеше жылдың ішінде ондаған тегін көрсетілімдер мен шеберлік сабақтары өтті. 2024 жылы Қазақстанда алғашқы әйелдер кинофестивалі ұйымдастырылған болатын.

Фестивальдің миссиясы – әйелдердің кино саласындағы орнын айқындау, олардың шығармашылығына қолдау білдіру және қоғамға жаңа көзқарас ұсыну.