Жазылу
Алматыдан 212 шақырым қашықтықта жер сілкінісі тіркелді
Қазақстандық деректер орталығының жедел мәліметіне сәйкес, жер сілкінісі 30 қаңтар күні Астана уақытымен таңғы 07:54-те Қырғызстан аумағында болған.
Жерасты дүмпулерінің магнитудасы 3,9 баллды құрады. Сейсмикалық картаға сәйкес, жер сілкінісінің эпицентрі Алматы қаласынан оңтүстік-шығысқа қарай 212 шақырым жерде орналасқан.
Қырғызстан Ұлттық ғылым академиясының Сейсмология институтының дерегінше, жер сілкінісінің ошағы Жан-Бұлақ ауылынан оңтүстік-батысқа қарай 6 шақырым, ал Нарын қаласынан оңтүстік-батысқа қарай 24 шақырым қашықтықта болған.
Қырғызстандағы елді мекендерде жер сілкінісінің күші мынадай деңгейде сезілген:
-
Жан-Бұлақ, Достук, Ақ-Талаа ауылдарында – шамамен 3,5 балл,
-
Таш-Бұлақ, Құланақ, Мин-Бұлақ, Емгек-Талаа ауылдарында – 3 балл,
-
Нарын қаласында – 2,5 балл.
Еске сала кетейік, 26 қаңтар күні қазақстандық сейсмологтар Қырғызстан аумағында магнитудасы 4,4 баллдық жер сілкінісін тіркеген болатын.
