Алматыдан 353 шақырым қашықта жер сілкінісі тіркелді

Төтенше жағдайлар министрлігі «СБЗҰҒО» ЖШС сейсмикалық стансалар желісі 2025 жылғы 2 қаңтарда Астана уақыты бойынша сағат 09:40-та жер сілкінісін тіркеді. Жер сілкінісінің ошағы Қытайда, Алматыдан солтүстік-шығысқа қарай 353 шақырым жерде орналасқан. 

Геофизикалық зерттеулер институтының деректер орталығының жедел мәліметтері бойынша, магнитудасы 4,8 болды. Энергетикалық класс - 10,9. Тереңдігі - 12 шақырым.

Еске сала кетейік, 31 желтоқсанда Қазақстан шекарасына жақын жерде Қырғызстанда жер сілкінісі болды. Жер сілкінісінің ошағы Арсы ауылынан солтүстік-батысқа қарай 7 шақырым және Семіз-Бел ауылынан солтүстік-батысқа қарай 10 шақырым жерде орналасқан.