Алматылықтардың жартысы қысты қалада өткізгісі келмейді — басты себеп смог пен лас ауа

 Мұндай дерек Almaty Air Initiative қорының биылғы зерттеуінде жарияланды.

Ауа сапасына алаңдаушылық артып отыр

Зерттеу қорытындысына сәйкес, 63 пайыз алматылықтар ауаның ластануына қатты алаңдайды. Бұл көрсеткіш өткен жылмен салыстырғанда айтарлықтай өскен. Әр екінші тұрғын қаланың ауасы «жаман» деп бағаласа, тек 14 пайыз ғана «жақсы» деп есептейді.

Сауалнамаға қатысқандардың алтауының төртеуі соңғы екі-үш жылда ауа сапасы айтарлықтай нашарлағанын айтқан. Медеу, Алатау және Жетісу аудандары — смог пен түтінге ең жиі шағым түсетін аймақтар.

Қыс мезгіліндегі көшу ниеті

Жергілікті тұрғындардың 49 пайызы, егер мүмкіндігі болса, қыс айларында Алматыдан уақытша кеткісі келетінін айтқан. Өткен жылы бұл көрсеткіш 45 пайыз болған.

Ал 12 пайыз тұрғын жыл сайын осылай істейді — смог мен түтіннен құтылу үшін қыста басқа жерге көшіп кетеді.

Респонденттердің пікірінше, лас ауа денсаулыққа тікелей әсер етеді: адамдар шаршау, бас ауруы, аллергия және ентігу сияқты белгілерді жиі сезінетінін айтады.

Кімдер көбірек уайымдайды?

Ауаның ластануы әсіресе баласы бар отбасылар мен жоғары табысты азаматтарды көп толғандырады. Мәселен, жалақысы 1 миллион теңгеден асатындардың 76 пайызы экологиялық жағдайды «жаман» деп санайды. Әйелдердің 67 пайызы, ерлердің 57 пайызы ауа сапасына қатты алаңдайтынын білдірген.

Негізгі ластаушылар — көліктер мен ЖЭО

Зерттеуге сәйкес, 82 пайыз тұрғын қаланың басты ластану көзі ретінде автокөліктерді атайды. Келесі орында — жылу электр орталықтары (45 пайыз) және табиғи факторлар (42 пайыз).

Тұрғындар биліктенЖЭС-ті газға көшіруді, қалалық жасыл аймақтарды көбейту мен көлік қозғалысын шектеуді талап етеді.