Алматы маңында жер сілкінді

Магнитудасы — 4.2. Жер сілкінісінің ошағы Алматыдан оңтүстікке қарай 17 шақырым жерде орналасқан.

Алматы мен Алма-Арасан шатқалында сезіну 2 балл болды. Төтенше жағдайлар департаменті жер сілкінісінен кейін 112 желісі бойынша азаматтардан бірде-бір қоңырау болмағанын айтады. Сондай-ақ зардап шеккендер мен қираған ғимараттар туралы мәлімет жоқ.

Жер сілкінісі болған сәтте қауіпсіздік шаралары қатаң сақталуы тиіс. Үйде болған жағдайда газ, су, электр жүйелерін сөндіріңіз. Биік ғимараттардан аулақ әрі ашық жерді паналаңыз. Электр сымдары және өзге де қауіп тудыратын заттардан абай болыңыз!