Алматы маңындағы блокпостта машина келіп соққан екі полицей қаза тапты

25.05.2020, 10:13

35

Бүгін, 25 мамырда Алматы қаласына кіреберістегі блокпостта жеңіл автомобиль патруль көлігімен соғып, екі полицей қаза тапты. Бұл туралы Алматы қаласы полиция департаменті хабарлады.

Оқиға таңертең Алматы облысы Қарасай ауданы Көксай ықшамауданында болған. Полицияның мәліметінше, 1992 жылғы азамат мінген көлік алдымен бақылау-өткізу бекетіне соғысқан.

“Ол алдымен бетон қоршауға барып тиген, кейін инерциямен патрульдік көлікке соғылған. Көлік ішінде болған екі полиция қызметкерінің бірі 42 жастағы Жалғас Жанғазиев сол жерде қайтыс болды”, — делінген таратылған хабарламада.

<p />

Екінші полицей — 26 жастағы Дастан Әбдіқанов кейін ауруханада қайтыс болған. Полиция “көлік жүргізушісі мас болған” деп хабарлады. Күдікті қамалып, сотқа дейінгі тергеу басталды.

Баспасөз қызметінің мәліметінше, қаза тапқан екі полицейдің де артында бала-шағасы қалды.

Коронавирус пандемияына байланысты енгізілген карантин кезінде блокпосттарда полиция қызметкерін көлікпен қағып өту осыған дейін бірнеше рет болған. 30 сәуірде Алматы қаласы Медеу ауданындағы блокпостта көлік жүргізушісі полиция қызметкерін қағып кеткен. Дәл осындай жағдай 13 мамырда Түркістан облысынан Шымкентке кіреберісте болған.

/*Telegram*/ #gr-961-tel { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-tel img { width:130px; } #gr-961-tel:hover { outline:2px solid #61a8de; text-decoration: none; } #gr-961-tel .text { margin-right: 20px; text-align: center; } #gr-961-tel span { color: #61a8de; } #gr-961-tel p { font-size: 21px; margin:0; color: #7C858D; line-height: 1.2; }

Telegram бізге жазылыңыз

Қазақстан үкіметі елдің екі ірі қаласы – Алматы мен Нұр-Сұлтанды наурыздың 19-нан карантинге жапқан. Мамырдың 11-і күні төтенше жағдай аяқталды, бірақ эпидемиологиялық ахуалға байланысты карантин күшінде қалып, блокпосттар әлі алынған жоқ.

Тегтер:

ҰҚСАС ЖАҢАЛЫҚТАР

Аңдатпа


  • Нұр-Сұлтанда тағы бір қоғамдық орында жарылыс болды
    09:13
  • Коронавирус 2003 жылы өршіген бе, ақиқаты қайсы?!
    11:11
  • «Утемисов», «Датулы», «Клышев» көшелерінде тұрамыз
    30.11.2020, 14:35
  • "ХҚКО-ның санитарлық тораптарында «жағдай» айтарлықтай мәз емес"
    30.11.2020, 13:59
  • COVID-19: қай өңірлердің "қызыл аймаққа" енгені белгілі болды
    30.11.2020, 13:04