19.08.2019, 02:00
3
18 тамызда жергілікті уақыт бойынша таңертеңгі сағат 9:12 кезінде Алматыдан солтүстікке қарай 78 шақырымда жер сілкінісі тіркелді. Бұл туралы Қазақстан білім және ғылым министрлігінің сейсмологиялық тәжірибе-әдістемелік орталығы хабарлады.
4,9 магнитудалы жер сілкінісінің ошағы жердің 20 километр терең қабатында болған. Энергетикалық класы – 9.6.
МSК-64 шкаласымен 2-3 балл жерасты дүмпуі Қапшағайда сезілген.
Соңғы бірнеше сағатта Алматы облысында осымен үшінші жер сілкінісі тіркелді. Жексенбіде Астана уақытымен таңертеңгі сағат 5:07 кезінде Алматыдан солтүстік-шығысқа қарай 245 километрде болған жерасты дүмпуі Жаркентте (МSК-64 шкаласымен 4-5 балл), Талдықорғанда (2-3 балл) және Саты ауылында (2-3 балл) сезілген.
Екінші рет сағат 6:38 кезінде жер сілкінісі тағы қайталанған. 4,6 магнитудалы жер сілкінісінің ошағы Алматыдан солтүстік-шығысқа қарай 245 километрде болған сілкініс ошағы жердің 10 километр терең қабатында болған.
Зардап шеккендер туралы ақпарат түспеген.
/*Telegram*/ #gr-961-tel { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-tel img { width:130px; } #gr-961-tel:hover { outline:2px solid #61a8de; text-decoration: none; } #gr-961-tel .text { margin-right: 20px; text-align: center; } #gr-961-tel span { color: #61a8de; } #gr-961-tel p { font-size: 21px; margin:0; color: #7C858D; line-height: 1.2; }Telegram бізге жазылыңыз
ҰҚСАС ЖАҢАЛЫҚТАР
