Алматыда аурухананың бас дәрігері коронавирус жұқтырған

30.04.2020, 18:27

3

Алматыдағы Орталық қалалық клиникалық аурухананың жаңа бас дәрігері коронавирус жұқтырып, инфекциялық ауруханада жатыр. Бұл ақпаратты оның хирургия жөніндегі орынбасары Самат Жәрменов растады. Azattyq Rýhy ақпарат агенттігінің тілшісіне берген сұқбатында клиниканың қызметкері өзі де 6 күннен бері ауруханада жатқанын айтты. Аурухана бас дәрігерінің орынбасары да қауіпті індетті жұқтырып, Қорғаныс министрлігіне қарасты госпитальде ем алып жатқанын мәлімдеді.

«Марат Шадыбайұлы (Марат Абдуллаев — авт.)  вирус жұқтырып алған, ересектерге арналған инфекциялық ауруханада жатыр. Негізі, біздің клиникада алғаш COVID-19 вирусы шыққан кезде, белгілі бір бөлімшені жауып, қалғанының бәрін шығарып жіберу керек еді. Ал біздің клиниканы толық жапқан соң, пациенттері бар, қызметкерлері бар, олар тым көп қой, солар бір-біріне жұқтырды. СЭС (Алматы қаласы тауарлар мен көрсетілетін қызметтердің сапасы мен қауіпсіздігін бақылау департаменті — авт.) солай жұмыс істеді ғой. Ешкімді жібермесін деп, аурухананы қоршауға алған соң ішінде инфекция бүкіл бөлімшелерге тарап кетті. Сондықтан ауруханаға кірген адамдардың барлығы жұқтырды», — деді Самат Мәдиханұлы.

Самат Жәрменовтің айтуынша, Марат Абдуллаев қызметке тағайындалған соң, тоғыз күн өткенде ауырған. Яғни 24 сәуірде ол И.С. Жекенов атындағы қалалық клиникалық инфекциялық ауруханаға жатқызылған. «Оның жалпы жағдайы туралы білмеймін, себебі, екеуіміз екі бөлек клиникада ем алып жатырмыз» деді оның орынбасары.

«Марат Шадыбайұлы 24-інде (сәуір — авт.) түсті. Ол кісі басқа клиникада, біз Қорғаныс министрлігі госпиталінде жатырмыз Менің алғашқы екі анализім теріс болып шыққан. Кейін аурухана әкімшілігінен вирус шықты. Тіпті, Марат Шадыбайұлының өзі де жұқтырып алған. Алғашқы 11-і мен 19-ында (сәуір айы — авт. ) анализдеріміз теріс болғаннан кейін, 23-інде оң болып келді. 21 сәуірге қарай бізде клиникалық белгілері пайда болды. Сонда сездік. Ал 23-іне тапсырғанда нәтижесі оң болып келді.  Ал 24-інде ауруханаға келіп жаттық. Менде әлсіздік, температура болды, кейін осында келген соң жөтел қосылды. Отбасы мүшелерін карантинге алған жоқ. Себебі, үйден ертерек шығып кеткенмін. Оларды дегенмен, есепке алып қойды. Қазір үй карантинінде», — деді Алматы Орталық қалалық клиникалық ауруханасы бас дәрігерінің орынбасары.

Алматы қаласы Қоғамдық денсаулық сақтау басқармасының баспасөз хатшысы Нәбира Есенова бас дәрігердің денсаулығына байланысты ақпараттар дәрігерлік құпияға жататынын айтты. Ол Azattyq Rýhy ақпарат агенттігінің тілшісіне Марат Абдуллаевтың уақытша жұмыс істемейтінін растады.

Айта кетейік, Алматыдағы Орталық қалалық клиникалық аурухананың басшысы міндетін атқарушы болып Марат Абдуллаев биыл 15 сәуірде тағайындалды. Ол 2012-2017 жылдары осы клиниканың директоры қызметін атқарған. Алматы қаласы Қоғамдық денсаулық сақтау басқармасы басшысының бұйрығымен Алматы орталық қалалық клиникалық ауруханасының бұрынғы бас дәрігері  Алмас Жувашев қызметінен босатылған болатын. Бұл медициналық мекемеден соңғы деректер бойынша короновирус жұқтырған 263 медицина қызметкері инфекциялық және провизорлық клиникаларда емделіп жатыр.

Ришат Асқарбекұлы, Алматы

Тегтер:

ҰҚСАС ЖАҢАЛЫҚТАР

Сайт әкімшілігі 20.08.2020, 18:13
Су тазарту қондырғыларын жасап шығарады
Сайт әкімшілігі 13.08.2020, 19:15
"Доғарыңдар, ұрмаңдар!". Беларусьте сәрсенбі күні де наразылық акциялары жалғасты
Сайт әкімшілігі 13.08.2020, 16:40
Қазақстанда бір күнде 517 адамнан коронавирус инфекциясы анықталды
Сайт әкімшілігі 13.08.2020, 02:00
Қазақстан ресейлік коронавирус вакцинасын толық сынақтан өтпейінше сатып алмайды
12.08.2020, 17:29
Қазақстан Ресейдің вакцинасын әзірге алмайды – ҚР ДСМ
Сайт әкімшілігі 12.08.2020, 16:48
Орталық клиникалық госпиталь соңғы науқасты шығарып салды

Аңдатпа


  • 100 жастағы әжей пневмониядан жазылып шықты
    14:39
  • Көлік кептелісінен құтылар күн бар ма?
    18.09.2020, 14:27
  • Емханаға тіркелу науқаны басталды
    18.09.2020, 14:13
  • Мегаполистің білім саласы автоматтандырылды
    13:46
  • Интернетте балаларға қауіпті тағы бір ойын пайда болды
    13:34