Жазылу
Алматыда бірнеше аудан қылмыскерлерден тазартылды
Алматы комендатурасының мәліметінше, кешелі бері мына аймақтар қылмыскерлерден тазартылды:
Әуезов, Алатау және Медеу аудандарының аумағы, сондай-ақ "Өжет" ықшамауданы мен Алматы халықаралық әуежайына шекаралас аумақта лаңкестерден тазарту жұмыстары жүргізілді.
Лаңкестік, тонау және басқа да қылмыстардың 1 мың 237 қатысушысы ұсталды. 31 бірлік атыс қаруы мен 1 428 оқ-дәрі тәркіленді. Блокбекеттерде 38 адам ұсталды. «102» басқару пультіне небәрі 608 хабарлама келіп түсті. Комендатураның call-орталығына азаматтардан жедел әрекет етуді талап ететін 253-і дабыл түсті
Еске салайық, кеше, 10 қаңтарда Сайн — Райымбек — Карьерная — Жандосов көшелерінің аумағы, Абай — Достық — Әл-Фараби — Желтоқсан көшелерінің аумағы қылмыскерлерден тазартылғаны хабарланған болатын.
