Жазылу
Алматыдағы түнгі клубта арнайы операция: есірткі сатушы ұсталды
Жедел уәкілдер мен полицияның арнайы жасақтары Алматының Медеу ауданында ойын-сауық мекемесінің қабырғасында синтетикалық есірткі сатумен айналысқан ер адамды ұстады.
Арнайы операция қала прокуратурасының үйлестіруімен «Есірткі бизнесімен күрес» жобасы аясында жүргізілді.
Жеке тінту кезінде күдіктіден қара электр лентасына оралған бума тәркіленді. Ішінде, алдын ала мәліметтер бойынша, ерекше иісі бар ақ ұнтақ түріндегі синтетикалық препарат бар. Ұсталған 28 жастағы азаматтың айтуынша, ол бұл «чекті» өзі білетін қыздың өтініші бойынша сатып алған.
Алматы қалалық полиция департаменті Есірткі қылмысына қарсы күрес басқармасының бастығы Ерлан Әлмағамбетов:
- Біздің жедел деректерге сәйкес, ол осыған ұқсас қылмыстарды бірнеше рет жасаған есірткі сатушысы. Қазіргі уақытта бірқатар арнайы сараптамалар тағайындалды. Аталған дерек Қазақстан Республикасы Қылмыстық кодексінің 297-бабы бойынша сотқа дейінгі тергеп-тексерудің бірыңғай тізіліміне тіркелді, — дейді.
Күдіктінің бұрын жақын маңдағы түнгі клубта диджей болып жұмыс істегені анықталды. Оған қоса, ол қарақшылық жасағаны үшін жазасын өтеп жатқан.
