Алматыдағы үш ақша айырбастау пунктінен 300 млн теңге ұрланған

 Ақша айырбастау пунктері қауымдастығының мәліметінше, Алматы қаласында үш айырбастау пункті тоналған.

Ақша айырбастау пункттері қауымдастығының басшысы Арчин Ғалымбаев: «Нарықтың басқа қатысушыларына келтірілген шығын мөлшері туралы ақпарат кейінірек белгілі болады. Ұлттық Банктің талабы бойынша айырбастау пунктерінің әрқайсысының кассасында жарғылық капиталдың кемінде 100%-ы болуы тиіс. Сондықтан көптеген ақша айырбастау пунктерінде жарғылық капитал кассада болған», – деді.

Бұған дейін Алматыда шеру басталып, қала әкімдігі мен прокуратурасы отқа оранған болатын. Тәртіпсіздік белең алған өңірлерде алаңға шығып, митингке қатысқан 8 мыңға жуық адам ұсталды. Ал оққа ұшқандар мен опат болғандардың нақты саны әлі белгісіз.