Алматыдағы жұқпалы аурулар ауруханасынан шу шықты

01.04.2020, 16:21

4

Байдың малын бағұс қызғаныпты немесе Алматыдағы жұқпалы аурулар ауруханасынан тағы шу шықты.

ҚР Президенті Қ. Тоқаевтың Төтенше жағдай кезеңін қамтамасыз ету Мемлекеттік комиссиясына коронавируспен күрес жүргізіп жатқан медицина қызметкерлерінің жалақысына үстеме ақы төлеу туралы берген тапсырмасын естігенде қуанып қалғанбыз. Себебі, біздің бәріміз үйде тығылып отырғанда аты жаман індетпен алғы шепте алысып жатқан солар болғандықтан, еңбектері ескерілсе дейсің ғой.
Сол мақсатпен, бұған дейін И.Жекенова атындағы Алматы қалалық жұқпалы аурулар ауруханасы қызметкерлерінің «Отырар» қонақүйіне орналасқанымен, олардың тамақпен, арнайы көлікпен қамтылмағаны жабыла көтергеннің арқасында ғана ондағы 60 астам қызметкер үш мезгіл тамақпен және автобуспен қамтылған болатын.
Енді бүгін тағы шу шығып отыр. Аталған аурухананың аурулармен тікелей жұмыс жасап, тест алатын лабороториясы мен вирустармен тікелей жұмыс жасайтын бактериялық лабороториясының қызметкерлері мемлекеттік комиссия бекіткен үстемақыдан қағылып отыр екен! Тіпті, қаланы карантинге жапқанға дейін, аурулардың бәрін қала сыртындағы туберкулез диспансерлері секілді оқшаулау орталықтарында ұстаған кезден бастап, тынбастан өз аяқтарымен барып сынама алған бұл қызметкерлер әлі күнге дейін тынбастан науқастармен және вируспен тікелей контактіде болып келеді.
Бұл дегеніңіз – НОНСЕНС қой! Сонда, вирус жұқтырды деген күдікпен аурухана әкелінетін әрбір адамның диагнозын анықтаумен тікелей айналысатын дәрігерлерге бермегенде, кімге берейін деп отыр ол үстемақыны?!!! Әлде жұмыстарының қауіптілігін білдіру үшін де бір-екі қызметкер әлгі індетті жұқтыруы қажет пе (беті аулақ)? Жалпы осы АЛА ҚОЙДЫ БӨЛЕК ҚЫРҚУ КІМГЕ КЕРЕК БОЛЫП ОТЫР?!!
Тіпті, қажет болса, әрбір қаладағы қазіргі таңда коронавируспен тікелей күресіп жатқан жұқпалы ауруханалардың (инфекционные больницы) әрбір қызметкері бұл өтемақыдан құр қалмау керек деп есептеймін. Себебі, Алла сақтасын, егер елдегі жағдай күрт нашарласа, сіз бен біздің, жақындарымыздың жанымызға араша болатын солар және олар еліміз бойынша соншалықты көп те емес. Бұл мәселені жан-жақты көтеріп, барынша таратайық, достар!

Нұраддин Садықов,

Фейсбуктегі парақшасынан 

Тегтер:

ҰҚСАС ЖАҢАЛЫҚТАР

Сайт әкімшілігі 20.08.2020, 18:13
Су тазарту қондырғыларын жасап шығарады
Сайт әкімшілігі 13.08.2020, 19:15
"Доғарыңдар, ұрмаңдар!". Беларусьте сәрсенбі күні де наразылық акциялары жалғасты
Сайт әкімшілігі 13.08.2020, 16:40
Қазақстанда бір күнде 517 адамнан коронавирус инфекциясы анықталды
Сайт әкімшілігі 13.08.2020, 02:00
Қазақстан ресейлік коронавирус вакцинасын толық сынақтан өтпейінше сатып алмайды
12.08.2020, 17:29
Қазақстан Ресейдің вакцинасын әзірге алмайды – ҚР ДСМ
Сайт әкімшілігі 12.08.2020, 16:48
Орталық клиникалық госпиталь соңғы науқасты шығарып салды

Аңдатпа


  • Tengri Bank салымшылары кепілдік өтемін қай банктен және қалай алады
    25.09.2020, 10:26
  • Бір тәулікте қанша адам коронавирус жұқтырғаны анықталды
    23.09.2020, 09:43
  • Nur Otan еліміздің солтүстік облыстарына қатысты қандай уәде береді?
    22.09.2020, 09:50
  • Конгресс-Холл экс-директоры миллиардтаған ақша жымқырған ба?
    21.09.2020, 15:07
  • 100 жастағы әжей пневмониядан жазылып шықты
    20.09.2020, 14:39