Алмазбек Атамбаев Кант әуебазасынан Ресейге ұшып кетті

25.07.2019, 09:00

3

Қырғызстанның бұрынғы президенті Алмазбек Атамбаев 24 шілдеде Бішкектен 40 шақырым жердегі Канттағы әуебазадан Ресейге ұшып кетті. Бұл туралы Атамбаевтың кеңесшісі Құндыз Жолдубаева Facebook парақшасына жазып, ұшақ ішінен сурет жариялады.

Атамбаев Ресейге ұшар алдында Кой-Таште журналистерге сұхбат беріп, «Кантта жеке ұшақ қондырмайды, бұл әскери ұшақ, бірақ бұл — компанияның ұшағы емес. Сәлден кейін толық ақпарат жіберемін, тіпті борт ішінен сурет те жіберермін. Бәрі жақсы болады. Ертең (25 шілде — ред.) кешкі 7-де қайтып келемін» деді.

Құндыз Жолдубаева шақырушы тарап «РусДжет» әуе компаниясына тиесілі RRJ-95B әскери ұшағын жібергенін хабарлады. Оның айтуынша, Атамбаев Мәскеуде жоғары лауазымды тұлғалармен кездесу өткізеді.

Бұған дейін Алмазбек Атамбаев Ресейге достарының шақыртуымен бара жатқанын айтқан. Бірақ ол достарының кім екенін атамады.

/*Telegram*/ #gr-961-tel { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-tel img { width:130px; } #gr-961-tel:hover { outline:2px solid #61a8de; text-decoration: none; } #gr-961-tel .text { margin-right: 20px; text-align: center; } #gr-961-tel span { color: #61a8de; } #gr-961-tel p { font-size: 21px; margin:0; color: #7C858D; line-height: 1.2; }

Telegram бізге жазылыңыз

27 маусымда Қырғызстан парламенті Алмазбек Атамбаевты экс-президент және тиіспеушілік статустарынан айырған.

Қырғызстанның бұрынғы президентіне қызметте жүріп жемқорлыққа жол берді, өкілетін асыра пайдаланды және заңсыз байыды деген сияқты жалпы саны бес айып тағылған. Атамбаев бұл айыптардың бәрін жоққа шығарып, үстінен қозғалған істің саяси астары бар деп мәлімдеген.

Кейін Қырғызстан ішкі істер министрлігінің тергеу қызметі Атамбаевты үш рет тергеуге шақырған. Ол үшеуінде де тергеуге бармады.

Атамбаевтың адвокаты Сергей Слесаревтің сөзінше, «экс-президентті тергеуге шақырту заңсыз. Себебі Атамбаев 2003 жылғы заңның негізінде тиіспеушілік статусына ие болған. Ал Қырғызстан парламенті экс-президентті тиіспеушілік мәртебесінен айыру туралы қаулының 2019 жылдың 15 мамырында түзету енгізілген нұсқасын қарап, қаулы шығарған».

Слесаров парламент шешімді Конституцияны бұзып қабылдағанын айтады. Қорғаушының сөзінше, қазіргі заңда парламенттің экс-президентті тиіспеушілік статусынан айыратын құқығы көрсетілмеген.

Атамбаевтың ондаған жақтасы 22 маусымнан бері оның Кой-Таштағы үйінің маңынан лагерь құрып, штаб ашқан. Ал 3 шілдеде Бішкекте Алмазбек Атамбаевтың жақтасы наразылық шарасын өткізіп, қазіргі биліктің отставкаға кетуін талап етті. Бұл шараға Атамбаевтың өзі де қатысқан.

/* Instagram*/ #gr-961-i { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-i img { width:130px; } #gr-961-i:hover { outline:2px solid #d93175; } #gr-961-i .text { margin-right: 20px; text-align: center; } #gr-961-i span { color: #d93175; } #gr-961-i p { font-size: 21px; margin:0; color: #7C858D; line-height: 1.2; }

Instagram бізге жазылыңыз

Тегтер:

ҰҚСАС ЖАҢАЛЫҚТАР

Аңдатпа


  • Кәдеге аспаған диплом
    17.09.2020, 11:16
  • Бетпердені автобуста сатып алуға болады
    20.08.2020, 16:26
  • Өткен тәулікте коронавирус пен пневмониядан тағы 6 адам қайтыс болды
    16.09.2020, 09:45
  • Жәрмеңке қайта жалғасады
    11.09.2020, 21:58
  • Сылтауы бітпейтін әкім
    15.09.2020, 11:04