Қайта ұйымдастырылған антикорға су жаңа басшы келді

Президенттің жарлығымен Нұржан Құсайынов Қазақстан Республикасы Ұлттық қауіпсіздік комитетінің Сыбайлас жемқорлыққа қарсы іс-қимыл қызметінің директоры болып сайланды.

Ол бұл қызметке тағайындалғанға дейін КНБ-ның 5-департаментін басқарған. Бұған дейін аталған департаментті басқарған Руслан Ысқақов 2025 жылдың басында 20 жылға сотталған болатын. Құсайынов сол кезге дейін оның орынбасары қызметін атқарған. Ал биылғы мамырда президент Тоқаев оған генерал-майор әскери шенін берген еді.

Еске салайық, 30 маусымда Сыбайлас жемқорлыққа қарсы іс-қимыл агенттігі (Антикор қызметі) таратылып, Ұлттық қауіпсіздік комитетінің құрамына қосылды. 1 шілдеде Президенттің кеңесшісі – баспасөз хатшысы Руслан Желдібай Мемлекет басшысының бұрынғы агенттік төрағасы Асхат Жұмағалиға белсенді әрі нәтижелі жұмысы үшін алғыс білдіргенін хабарлады.

- Енді ҰҚК жанынан Сыбайлас жемқорлыққа қарсы қызмет атты жаңа құрылым жұмыс істейді;

- Ал сыбайлас жемқорлықтың алдын алу және оған қарсы саясат жүргізу функциясы Мемлекеттік қызмет істері агенттігіне жүктелді;

- Бұрынғы Антикордың өкілеттіктері мен міндеттері екі орган арасында бөлінді — бір бөлігі ҰҚК-ге, екіншісі агенттікке өтті;

- Жаңа құрылым енді бұрынғыдай Мемлекет басшысына тікелей есеп бермейді.

Үкіметке қыркүйек айына дейін тиісті заң жобасын әзірлеу тапсырылды.