Апатқа ұшыраған AZAL ұшағына қатысты алдын ала тергеу ақпараты 30 күн ішінде беріледі

Ақтау қаласына жақын жерде Әзербайжан әуе жолдарының апатқа ұшырауын тергеп жатқан Қазақстанның үкіметтік комиссиясы тергеудің алдын ала немесе аралық қорытындысын 30 күн ішінде жариялайды.

Еліміздің көлік вице-министрі Талғат Ластаевтың айтуынша, қазір тергеудің «далалық кезеңі» жүріп жатыр: ұшақ құлаған жерде ұшақтың қалдықтары мен саусақ іздері жиналып жатыр.

Ластаевтың айтуынша, апатқа ұшыраған ұшақ екі сағаттық жады бар автоматты құрылғымен жабдықталған.

«Бұл ұшақ экипаж құрамы мен әуе кеменің техникалық параметрлерін тіркейтін автоматты қондырғылармен жабдықталған. Тергеу барысында оқиғаның толықтай дерлік суреті ашылады», - деді ол.

Қазақстан Ақтау маңында апатқа ұшыраған Әзербайжан әуе жолдарының ұшағының «қара жәшіктерін» Бразилияның авиациялық оқиғаларды тергеу және алдын алу орталығына (CENIPA) жібереді.

Әзербайжан телеарнасына берген сұхбатында Ильхам Әлиев апаттың себептері туралы айта отырып, ұшақтың Ресей аумағында «сыртқы әсердің себебінен»  құлағанын айтты, сонымен қатар ол зақымдалған ұшақтың неліктен қалаға ұшқаны туралы өз ойын білдірді.  Әзербайжан Ресейден «кешірім сұрауды, кінәсін мойындауды, кінәлілерді жазалауды және өтемақы төлеуді» талап етті.

Желтоқсанның 25-і күні Бакуден Грозныйға бет алған Әзеірбайжан әуе жолдарының ұшағы Ақтау маңында апатқа ұшырады. Ұшақ бортында 67 адам, оның ішінде бес экипаж мүшесі болған. Апат салдарынан 38 адам қаза тапты.