Ақ үй: Арнайы әскери операция кезінде Усама бен Ладеннің ұлы оққа ұшты

16.09.2019, 01:00

22

"Әл-Қаида” террористік ұйымының негізін қалаған Усама бен Ладеннің ұлы Хамза бен Ладенді арнайы операция кезінде атып өлтірген деп хабарлады сенбі, 14 қыркүйекте Ақ үй.

"Әл-Қаида” ұйымына жетекшілік еткен Хамза бен Ладен Пәкістан мен Ауғанстан шекаралары маңындағы аумақта қаза тапқан. АҚШ президенті Дональд Трамп жариялаған мәлімдемеде оқиғаның қашан болғаны айтылмайды. Операцияның толық жай-жапсары да жазылмаған.

Мәлімдемеде бен Ладен ұлының өлімі "Әл-Қаида” ұйымының күш-қуатын әлсіретіп, өзге террористік топтармен байланысын азайтпақ деп көрсетілген.

Америкалық БАҚ Хамза бен Ладеннің қаза тапқанын әкімшіліктегі белгісіз ақпарат көзіне сілтеме жасай отырып, тамыз айында хабарлаған еді.

Бұған дейін АҚШ мемлекеттік департаменті жас шамасы отыздан енді асқан Хамза бен Ладен "Әл-Қаида" ұйымындағы әкесінің орнын басуды көздеп отыр деп мәлімдеген. Осыдан кейін АҚШ билігі биыл ақпанда оны ұстауға көмектесетін ақпарат үшін миллион доллар сыйақы тағайындаған.

Мұның алдында Хамза бен Ладен интернет арқылы аудио және видео үндеу жариялап, АҚШ-қа шабуыл жасауға шақырған.

АҚШ-та Усама бен Ладенді 2001 жылы 11 қыркүйекте болған терактіні ұйымдастырды деп санайды. Бұл терактіден шамамен үш мың адам қаза тапқан. Усама бен Ладеннің өзін АҚШ-тың арнайы жасақ өкілдері 2011 жылы мамыр айында Пәкістанда атып өлтірген болатын.

Тегтер:

ҰҚСАС ЖАҢАЛЫҚТАР

Аңдатпа


  • Жалт етіп сөнген бір жасын
    27.10.2020, 09:53
  • Бүгін еліміздің басым бөлігінде қар мен жаңбыр жауады
    26.10.2020, 10:04
  • Қымбатқа түскен «ноу-хау»
    22.10.2020, 10:52
  • Д. Ахметов: «Азаматтың қазасына себепкерлер жазасыз қалмайды»
    22.10.2020, 09:42
  • Мырзан Кенжебай: Менің атымды жамылған кім?
    20.10.2020, 14:28