«Ақкентте» қаза тапқан әйелдің отбасына екі бөлмелі пәтер береді

«Компания атынан Әсел Бекмұхамбетованың туыстары мен жақындарына көңіл айтамыз. Әсел-Айжан әпкелердің тезірек сауығып кетуін тілейміз», — делінген хабарламада.

Сонымен қатар, құрылыс салушы өрт шыққан үйде қалпына келтіру жұмыстарын жүргізуге уәде берді. Бұл туралы Ayt housing Complex құрылыс компаниясының бас директоры Қанат Ералиев «Ақкент» ТК тұрғындарымен кездесу барысында хабарлады.

«Біз  үйді қалпына келтіру шығынын қзімізге алуға дайынбыз», — деді Бас директор.

«Ayt Housing Complex» ЖШС ТК құрылыс жүргізуші. 54 көппәтерлі тұрғын үй 07.08.2017 жылғы №773 объектіні пайдалануға қабылдау актісімен пайдалануға берілді. 2020 жылдың қаңтарына дейін бұл үй бос тұрды, «Ayt housing Complex» ЖШС осы үйдің тапсырыс берушісі және меншік иесі емес. Бұл үйді тұрғындар тек 2020 жылы қоныстанды, үйдің иесі жаңарды. Аталған тұрғын үй кешенінде қызмет көрсететін басқару органы «Ақкент ТК» МИБ (ОСИ). Өткен жылдың наурыз айында МИБ «Ayt Facility Management» ЖШС атынан басқарушы компаниямен шарт жасасты, оның директоры — Г.С. Маженов.

Лифтілерге келетін болсақ, бұл тұрғын үйде Mitsubishi лифтінің бренді 2015 жылдан бастап жұмыс істейді, тіркеу нөмірі L15-269 және L15-270. «АГ МЕЛЬКО Элеватор Казахстан Компани» ЖШС лифт компаниясы қызмет көрсетеді. Лифттерді соңғы техникалық куәландыру 2023 жылдың 27 шілдесінде жүргізілді.

Айта кетейік, Алматыда кеше сағат 17:00 шамасында 16 қабатты тұрғын үй кешенінде өрт шыққан болатын. Түтіннен қашқан тұрғындар пәтерлерінің терезелерінен секірген. Бір әйел қаза тапты.