АҚШ соңғы 30 жылда бірінші рет Қытай дипломаттарын Пекинге қайтарды

17.12.2019, 02:59

19

АҚШ билігі күз айларында Қытай елшілігінің екі қызметкерін Пекинге қайтарған деп жазады құпия дереккөзіне сүйенген The New York Times басылымы. Бұған дейін бұл ақпаратты не Вашингтон, не Пекин айтпаған.

Басылымның жазуынша, қытай дипломаттары Вирджиния штатындағы әскери база аумағында ұсталған. Әскери нысанға арнайы рұқсатсыз кіруге тыйым салынған. АҚШ билігі «тыңшылық жасады» деп күдікке ілінген дипломаттарды Пекинге қайтаруды ұйғарған. 1987 жылдан бері осы тәрізді оқиға болмаған.

The New York Times басылымының жазуынша, АҚШ-тың арнайы қызмет өкілдері Пекинге қайтарылған екі офицердің кемінде біреуін Қытайдың барлау қызметінің өкілі деп санайды. Дипломаттар өздерінің ізіне түскен Американың әскерилерінен жасырынуға тырысқан және көлігінің жолын жапқаннан кейін ғана барып тоқтаған.

Қазан айында АҚШ қытай дипломаттарына шектеу қойып, жергілікті билік өкілдерімен кездесуді жоспарласа немесе білім беру, зерттеу ұйымдарына барғысы келсе, алдын ала хабарлауды міндеттеген. Ол кезде АҚШ мемлекеттік департаменті «бұл осыған ұқсас Қытайдың қойған шектеуіне жауап» деп түсіндірген. Ал басылым шектеуді әскери базада болған оқиғамен байланыстырады. Құпия дереккөзге сүйенген The New York Times жазуынша, Қытай жағы әзірге шектеу қоймаған.

/* Instagram*/ #gr-961-i { outline:1px solid #DEE1E2; height: 73px; padding: 0px 10px; margin-bottom: 15px; float: none; } #gr-961-i img { width:130px; } #gr-961-i:hover { outline:2px solid #d93175; } #gr-961-i .text { margin-right: 20px; text-align: center; } #gr-961-i span { color: #d93175; } #gr-961-i p { font-size: 21px; margin:0; color: #7C858D; line-height: 1.2; }

Instagram бізге жазылыңыз

Тегтер:

ҰҚСАС ЖАҢАЛЫҚТАР

Аңдатпа


  • Tengri Bank салымшылары кепілдік өтемін қай банктен және қалай алады
    25.09.2020, 10:26
  • Бір тәулікте қанша адам коронавирус жұқтырғаны анықталды
    23.09.2020, 09:43
  • Nur Otan еліміздің солтүстік облыстарына қатысты қандай уәде береді?
    22.09.2020, 09:50
  • Конгресс-Холл экс-директоры миллиардтаған ақша жымқырған ба?
    21.09.2020, 15:07
  • 100 жастағы әжей пневмониядан жазылып шықты
    20.09.2020, 14:39