АҚШ-та журналистерге "құпия ақпарат таратқан" барлаушы қамалды

10.10.2019, 14:00

10

АҚШ прокуратурасы «журналистерге құпия дерек берді» деген айыппен барлау басқармасының қызметкері Генри Фризаны қамауға алды.

Айыптау тарабының айтуынша, барлаушы 2018-2019 жылдары белгілі бір мемлекеттің қарулану жүйесі туралы құпия деректерді журналистерге берген. АҚШ әділет министрлігі барлаушының нақты қай мемлекет туралы құпия дерек таратқанын айтпады. Дегенмен құпия ақпараттың кемінде сегіз жаңалықта қолданылғаны анықталған.

Айыптау қорытындысында Фриздің құпия ақпарат алған екі журналистің бірімен романтикалық қарым-қатынаста болғаны жазылған. АҚШ-тың федералдық тергеу бюросы олардың телефон әңгімелерін тыңдап, Twitter-дегі жеке хабарламаларын оқып отырған.

Әділет министрлігі журналистер жайлы деректі де құпия сақтап отыр.

Генри Фриз АҚШ қорғаныс министрлігінің барлау басқармасында терроризммен күрес бөлімінде сарапшы болып жұмыс істеген. Ол 9 қазанда таңертең ұсталды. Егер кінәсі толық дәлелденсе, Фриз 20 жылға бас бостандығынан айрылуы мүмкін.

АҚШ әділет министрлігі соңғы екі жылда алты адамды "құпия дерек таратты" деп айыптаған.

Тегтер:

ҰҚСАС ЖАҢАЛЫҚТАР

Аңдатпа


  • Tengri Bank салымшылары кепілдік өтемін қай банктен және қалай алады
    25.09.2020, 10:26
  • Бір тәулікте қанша адам коронавирус жұқтырғаны анықталды
    23.09.2020, 09:43
  • Nur Otan еліміздің солтүстік облыстарына қатысты қандай уәде береді?
    22.09.2020, 09:50
  • Конгресс-Холл экс-директоры миллиардтаған ақша жымқырған ба?
    21.09.2020, 15:07
  • 100 жастағы әжей пневмониядан жазылып шықты
    20.09.2020, 14:39