АҚШ Түркияны F-35 бағдарламасынан шығарып тастамақ

18.07.2019, 17:00

94

АҚШ Түркияны Ресейден С-400 зенитті зымыран кешенін сатып алғаны үшін америкалық F-35 радиолокацияға көрінбейтін жойғыш ұшағын сату бағдарламасынан шығаратынын мәлімдеді.

Ақ үй 17 шілде күні жариялаған мәлімдемеде Анкараның ресейлік әуе қорғанысы қаруын сатып алған соң «F-35 бағдарламасына ары қарай қатыса беруі мүмкін болмай қалатыны» жазылған.

Ақ үй Түркияның F-35 бағдарламасынан шығарылатынын анық айтпаса да, Пентагон бұл ақпаратты растады.

F-35 жойғыш ұшағы. Көрнекі сурет. /> F-35 жойғыш ұшағы. Көрнекі сурет.



— АҚШ пен өзге де F-35 [бағдарламасына қатысушы] әріптестер Түркияның бұл бағдарламаға қатысуын тоқтатып, ресми түрде шығарып тастау процедурасын бастау туралы шешімге тоқтады, — деді АҚШ-тың қорғаныс вице-министрі Эллен Лорд.

Түркия АҚШ-тың санкция салу туралы ескертуіне қарамастан 12 шілде күні С-400 кешенінің үш бөлігін, 13 шілдеде төртіншісін Ресейден қабылдап алған.

Анкара F-35 жойғыш ұшағының кейбір бөлшектерін жасап келген, Вашингтон енді басқа тапсырыс жеткізуші іздемек.

16 шілде күні президент Дональд Трамп С-400 сатып алған Түркияға ендігәрі F-35 сатылмайтынын айтқан.

АҚШ Түркияға экономикалық санкция салу-салмау туралы шешімін әлі жариялаған жоқ.

Тегтер:

ҰҚСАС ЖАҢАЛЫҚТАР

Аңдатпа


  • Қазақстанның үздік университеті беделді халықаралық аккредитациядан өтті
    12.04.2021, 18:00
  • Жылқы бағып, мотоцикл мінген әзиз әжелер
    08.04.2021, 14:24
  • Ашынғаннан шыққан ащы дауыс
    09.04.2021, 09:03
  • Семейде 170 жаңа автобустың 70-і жүруге жарамай тұр
    08.04.2021, 09:08
  • Қонаевқа неге соқтыға береміз? Досановтың романы: қайран тіл, қайран сөз
    06.04.2021, 09:16