Жазылу
15:03, 03 Тамыз 2023
Ақтөбеде жасөспірім үш адамды көлікпен қағып кетті
Ақтөбе облысында кәмелетке толмаған жеткіншек көлікпен үш адамды қағып кетті. Бір бүлдіршін көз жұмды.
Оқиға 2 тамыз күні кешкі сағат 21:30 шамасында Мәртөк ауданы Сарыжар ауылында болған.
— Әйтеке би көшесімен келе жатқан «ВАЗ-21140» көлігінің 17 жастағы жүргізушісі жолдан өтіп бара жатқан 28 жастағы жаяу жүргінші мен екі баланы қағып кетті.
Оқиға салдарынан 3 жасар бала жедел жәрдем көлігінде қайтыс болды. Тағы екі жаяу жүргінші Ақтөбе ауруханасына жатқызылды, — деп хабарлады polisia.kz сайты.
Қылмыстық кодекстің 345-бабының 3-бөлігі бойынша сотқа дейінгі тергеу жүріп жатыр.
