Ақжалда мал ауруы шықты

Бұл туралы ақпарат журналистерге кеш жария болды.  Малдағы жұқпалы індет қарашаның басында қылаң берген. Белгісіз індетке тап болған ойсыл қара төлінен  алынған сынаманы жергілікті мамандар  бірден,  Нұр-Сұлтандағы «Ұлттық референттік» орталыққа жіберілген.  Қарашаның 11-де орталықтан келген сынама нәтижесі бойынша, сиырлар «инфекциялық реновирус» және «вирустық диарея» індетін жұқтырғаны анықталды.

Кент орталығында сол тәуліктен малдарға карантиндік шектеу  жарияланып, дезинфекциялық шаралар жасалды. Оқшаулау 30 күнге ұласады.

Шет аудандық «ветиринариялық бақылау және қадағалау комитетінің» Шет ауданы бойынша аумақтық инспекциясының басшысы Дәулет Әшкербеков: «Ірі қараға жұққан кесел осы өңірге шетелден әкелінген малдардан немесе құстардан келуі мүмкін» деген жорамал айтуда.  Малдарды оқшаулау карантин енгізілген тәуліктен бастап 30 күнге ұласады. Айта кеткен жөн, кешеден бері  облыстық эпидемиологиялық жасақтың өкілдері ауру шыққан ошаққа соңғы  тазалық -індет амалдарын жүргізуде.