Astana LRT-ның бұрынғы басшысы Талғат Ардан жауап алуға келген жоқ - Антикор

Сыбайлас жемқорлыққа қарсы қызметтің ресми өкілінің айтуынша, Астанада көтерілген метро құрылысы кезіндегі ұрлыққа қатысты қылмыстық істер аяқталды.

«Астана банкінің» бұрынғы мажоритарлық акционері Олжас Тоқтаров пен «Астана LRT» ЖШС басқарма төрағасы Талғат Арданға қатысты қылмыстық іс қозғалды.

«Бүкіл тергеу барысында күдіктілердің Қазақстан Республикасынан тыс жерде болуына және жауаптан жалтаруына байланысты сотқа дейінгі тергеп-тексеру органы аталған тұлғаларды Қылмыстық іс жүргізу кодексінің 208-бабының 1-бөлігіне сәйкес жауапқа шақыру шараларын қабылдады. Сыбайлас жемқорлыққа қарсы қызмет 205-баптың 3-бөлігін басшылыққа ала отырып, БАҚ-та күдіктілерді шақыру туралы хабарлама жариялады, бірақ олар жауап алуға келмеді», - деп түсіндірді бүгін Данияр Биғайдаров.

Баяндамашының айтуынша, ауыр қылмыс жасау фактісі бойынша тергеу барысында жиналған дәлелдемелер бұл тұлғалардың әрекеттерін сырттай саралауға мүмкіндік берді.

19 қыркүйекте іс сотқа жіберілді.