Астанада адвокат Досқараевқа қатысты іс қаралып жатыр

Полиция оны «жалған ақпарат таратты» деп айыптаған.

Сотта Досқараев өзіне тағылған айыппен келіспейтінін айтып:

«Аталған жазбаны кім жариялағаны белгісіз. Менің оған қатысым жоқ. Әкімшілік жауапкершіліктен босатуды сұраймын», - деді.

Оған ҚР ӘҚБтК-нің 456-2-бабы 3-бөлігі бойынша («жалған ақпарат тарату») айып тағылған. Досқараев бұл істі саяси астары бар деп санайды, себебі ол қамаудағы супермарафоншы Марат Жыланбаевтың адвокаты. Айыптау полицияның рапортына негізделген. Онда Telegram-арнада жарияланған видеоға сілтеме жасалып, адвокат Назгүл Жусупованың тергеу изоляторындағы жағдайын сипаттап, «өз-өзіне қол жұмсауға әрекет жасады» деген ақпарат айтылғаны көрсетілген. Полицейлер бұл мәліметті «шындыққа сәйкес емес» деп бағалаған.

Сотта Жусупованың өзі куәгер ретінде сөйлеп, айтылған деректерді растады. Қорғаушылар хаттама «негізсіз» екенін айтып, істі тоқтатуды сұрады.

Үкім жақында шығады.

Бұған дейін Мейіржан Досқараев Марат Жыланбаевқа барғанын айтқан. Ол Адам құқықтары жөніндегі уәкіл жанындағы үйлестіру кеңесінің хатшысы Шер Раиса Жыланбаевтың денсаулығына қатысты жасаған мәлімдемесін жоққа шығарған.