Астанада бірнеше ай ішінде электросамокаттан 50 адам зардап шекті

Бұл туралы елорда әкімдігінің баспасөз қызметі хабарлады.

Мәліметке сәйкес, қалада электросамокаттарды пайдалану қарқынды өсіп келеді. Қазіргі уақытта олардың жалпы саны 10 мыңнан асады, оның ішінде шамамен 8 мыңы белсенді қолданыста.

Осы көлік түрінің қатысуымен 45 жол апаты болып, салдарынан 50 адам жарақат алған. Қайтыс болғандар тіркелмеген.

Электросамокат жүргізушілері жиі жіберетін бұзушылықтар қатарында:

бір самокатқа екі адамның мінуі;

жаяу жүргіншілер өткелінен түспей өту;

кәмелетке толмағандардың самокат пайдалануы бар.