Астанада түнгі клуб маңындағы төбелесте 18 жастағы жігіт қаза тапты

Әлеуметтік желілерде, оның ішінде Threads платформасында да, оқиғаға қатысты ақпарат тарады. Пайдаланушылар түнгі клубтың жанында «жас жігітті пышақтап кеткен» деген мәліметтер жазған.

Астана қалалық полиция департаменті аталған дерек бойынша қасақана ауыр дене жарақатын келтіріп, соңы адам өліміне әкеп соққан баппен сотқа дейінгі тергеу басталғанын мәлімдеді.

Полицияның хабарлауынша, екі күдікті ұсталып, уақытша ұстау изоляторына қамалған. Қазіргі таңда олардың туыстары немесе қорғаушылары тарапынан пікір алу мүмкін болмаған.

«Тергеу барысында түнгі ойын-сауық орындарының бірінің маңында жас адамдар арасында ауызша жанжал шығып, ол төбелеске ұласқаны анықталды. Соның салдарынан 18 жастағы азамат алған жарақаттарынан қайтыс болды», - деп хабарлады полиция департаменті.

Оқиғаның өзге мән-жайлары әзірге жарияланбайды. Қазір тергеу амалдары жүргізіліп, болған жағдайдың барлық жағдайы анықталып жатыр.

Айта кетейік, бұған дейін де Астанада түнгі клубта болған өзге бір оқиғада 19 жастағы жігіттің қаза тапқаны хабарланған еді. Кейін марқұмның әпкесі бейнебақылау камераларынан алынған жазбаны жариялаған.