Астанадағы «мас судья» ісі сотқа жетті

Әсел Досаева бірнеше ай бұрын мас күйінде көлік тізгіндегені үшін патрульдік полицияға тоқтатылған. Тексеру барысында оның Mazda 6 автокөлігін басқарғаны анықталды. Медициналық сараптама қанда алкоголь барын көрсетті, ал жүргізуші куәлігінің мерзімі өтіп кеткені белгілі болды. Көлік айып тұрағына қойылған.

Алайда судьяға бірден жаза қолдану мүмкін болмады — судьялық иммунитет әрекет еткен. Кейін Бас прокуратура Әсел Досаеваны әкімшілік жауапкершілікке тарту туралы Президентке ұсыныс жолдаған.

Сот отырысы бастапқыда 31 желтоқсанға белгіленген, алайда қосымша материалдар жинау үшін кейінге шегерілген.

Әсел Досаева шамамен бір жыл бұрын Маңғыстау облысынан Астанаға ауысып келген. Бұған дейін ол аудандық сотта қызмет атқарған. Бұл оқиға оның кәсіби беделіне елеулі нұқсан келтірді.