Атырау облысында хабар-ошарсыз кеткен отбасының балаларын іздеу тоқтатылды

Атырау облыстық төтенше жағдайлар департаменті 1990 жылы туған Мейрамгүл Қарабалина мен 1993 жылы туған Наурыз Мұқанғалиевті іздеу тоқтатылғанын мәлімдеді.

Департамент құтқару бөлімшелері облыстық полиция департаментінің ресми өтініші бойынша іздеуге жіберілгенін және ауылды зерттеуге көмектескенін түсіндірді.

"Полиция анықтаған барлық аумақ толық тексерілді. Қазір полиция департаментіне іздеуді жалғастыру туралы жаңа хабарламалар немесе өтініштер түскен жоқ", – деп хабарлады төтенше жағдайлар департаменті.

Алдымен отбасы мүшелерінің бірі Наурыз хабар-ошарсыз кеткен. Ол туыстарына Ақтауға қарай жұмысқа шығатынын айтқан. Алайда нақты қайда баратынын және қандай мақсатпен екенін түсіндірмеген. Осыдан кейін онымен байланыс үзілген. Біраз уақыт өткен соң ауылдан отбасының қалған мүшелері де кеткен. Көршілеріне дәрігерге бара жатқанын айтқанымен, қай қалаға және қай медициналық мекемеге баратынын нақтыламаған.

Содан кейін отбасы туралы ешқандай ақпарат түспеген. Туыстары олардың ем қабылдағанын да, жүріп өткен бағытын да, қазіргі орналасқан жерін де растай алмаған. Қосымша алаңдаушылық тудыратын жайт қыздары Мейрамгүлдің жағдайы. Себебі оған үшінші топ мүгедектігі белгіленген.

Жоғалғандар туралы полицияға арыз 25 желтоқсанда түскен. Атырау қаласының тұрғыны ағасы мен оның отбасы бір айдан астам уақыт бойы байланысқа шықпағанын хабарлаған. Осыдан кейін іздеу парақшалары еліміздің өзге өңірлеріндегі полиция бөлімшелеріне жолданған.

Кейін ата-анасының мәйіті табылып, жерлеу рәсімі өтті.